Nalětnje rjedźenje při pomniku

Sobotu, 21. apryla 2018, přichwatachu něhdźe 30 pilnych pomocnikow z trěbnym dźěłowym gratom, zo bychu při nalětnim rjedźenju při pomniku za padłych pólskich wojakow pomhali. Wšudźe so hrabaše a škrabaše, mjećeše a plěješe. Kerki buchu wurězane, zo móhło so lońše lisćo spody nich wotstronić. Njeličomne hromadki sucheje trawy, suchich hałžkow a lisća so wotwozychu. 

Nimo toho wobnowi so třěcha předawanskeje budki, zo by so za wšelake předewzaća w tutym lěće wobchowała.