Stajenje meje - lampionowy přećah - chodojtypalenje

Lětsa smy k prěnjemu razej dźěći přeprosyli, z lampionami k mejestajenju přińć, zo bychu potom zhromadnje na chodojtypalenje ćahnyli. Mnozy slědowachu našemu přeprošenju.

Hdyž meja steješe, požohnowa ju wosadny knjez farar. Po krótkej pobožnosći ćahnychu wšitcy zhromadnje z hudźbu a spěwanjom k Fulkec hórce. Hdyž tam dóńdźechu, zapali so hromada.

Po ćmičkanju zanjese instrumentalna skupina štyrjoch Chróšćanow někotre stučki. Pozdźišo so hač do połnocy w stanje hudźeše a spěwaše. Tež tutón nowum při chodojtypalenju w Chrósćicach je k jara přijomnej atmosferje přinošował.