Dźěći a nanojo stanowachu

Młode swójby našeho towarstwa přeprosychu pjatk, 14. julija 2023, dźěći ze swojimi nanami na zhromadne stanowanje na nowym hrajkanišću w Chrósćicach. Wot 17 hodź. natwarichu 12 dźěći a 8 nanow swoje stany. Potom podachu so do bliskich Hatkow, zo bychu sej suche drjewo za lěhwowy woheń nahromadźili. Zhromadnje dožiwichu zabawny wječor z wječerju při lěhwowym wohenju, hrami, wubědźowanjemi, spěwami a bajkami. Nazajtra spřihotowachu jim někotre maćerje słódnu snědań.